• अर्थ  सरोकार सम्बाददाता 

काठमाडौं – स्वरोजगार लघुवित्त वित्तीय संस्थाले विशेष सधारणसभा साउन १० गते बोलाएको छ । संस्थाको विशेष साधारणसभा सि.डब्ल्यु, रेस्र्टाे क्याफे, कमलादी, काठमाडौंमा विहान ११ बजेबाट सुरु हुने भएको छ । 

उक्त सभामा जनकपुर लघुवित्त वित्तीय संस्थालाई एक्विजिशन गर्ने विशेष प्रस्ताव पेश गर्ने भएको छ। कम्पनीको प्रबन्धपत्र संशोधन गर्न सञ्चालक समितिलाई अख्तियारी दिने छ। यस्तै, एक्वायर भएपछि १००% हकप्रद सेयर निष्कासन गर्ने प्रस्ताव पनि छ । 

सभा प्रयोजनका लागि स्वारोजगारले साउन ४ गते बुक क्लोज गर्दैछ । हाल स्वारोजगारको रजिष्टर्ड कार्यालय काभ्रेपलाञ्चोकको बनेपामा रहेको छ । यता, जनकपुर लघुवित्तको जनकपुर उपमहानगरपालिकामा रजिष्टर्ड कार्यालय रहेको छ ।