देशभर बाढीको बितण्डा, १२ तस्विरमा हेर्नुहोस् सरकारले वेवास्ता गरेका नागरिकका पीडा…!

अर्थ सरोकार सम्बाददाता

काठमाडौँ । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा पनि हामीले देशभर गएको बाढीपहिरोको दृश्यलाई फोटो समाचारमा समेटेका छौं ।

हेरौं फोटो समाचार :

लगातारको वर्षाका कारण पानीको सतह बढ्दै गएको धनगढीको मोहना नदी ।

वर्षाका कारण धनगढीको कृष्णनगर टोलका स्थानीय व्यक्तिका घरभित्र पसेको पानी । मङ्गलबारदेखिको वर्षाले यहाँका दर्जनौँभन्दा बढी घर तथा पसलमा पानी पसेर स्थानीयको जनजीवन प्रभावित बनेको छ ।

धनगढी उपमहानगरपालिका र कञ्चनपुरको कृष्णपुर नगरपालिकाको सीमामा पर्ने मोहना नदीमा बिहीबार आएको बाढीमा बगेर आएको दाउरा जोखिम मोलेर सङ्कलन गर्दै स्थानीय व्यक्ति ।

मनाङ ङिस्याङ गाउँपालिका–४ भ्राकाका दुई वृद्धवृद्धालाई उच्च रक्तचाप भएकाले उद्धार गरी काठामाडौँ लगिँदै । बाढीपहिरोले सडक अवरुद्ध भएपछि हेली चार्टर गर्न मानिस बाध्य छन्। एक पटक हेलीचार्टर गर्दा रु दुई लाखदेखि दुई लाख ५० हजार लाग्छ । भ्राकाबाट बिरामी लिएर उडेको हेली खराब मौसम कारण चामेमा अवतरण गरिएको र मौसम सामान्य भएपछि काठमाडाँै उडेको हो ।