• अर्थ सरोकार सम्बाददाता

दाङ । दाङको तुलसीपुर बजार आउँदो आइतबारदेखि बेलुका ५ बजेसम्म खुल्ने भएको छ । कोरोना भाइरस फैलिने त्रासका कारण दिउँसो १२ बजेसम्म खुल्ला गरिएको बजार आइतवारदेखि ५ बजेसम्म खुल्ने भएको हो ।

तुलसीपुर उद्योग वाणिज्य संघको अगुवाइमा शुक्रवार वसेको सर्वदलिय एवं सर्वपक्षीय बैठकले कोरोना संक्रमणबाट वच्न सुरक्षाका उपायाहरु अपनाउँदै आइतवारदेखि वेलुका ५ बजेसम्म बजार खुल्ने निर्णय गरेको तुलसीपुर उपमहानगरपालिकाका विपद् व्यवस्थापन शाखा प्रमुख भिम केसीले जानकारी दिए ।