• अर्थ सरकोकार सुदुरपश्चिम ब्युरो 

धनगढी । अख्तियार दुरुपयोग अनुसन्धान आयोग कञ्चनपुरमा कार्यरत एक कर्मचारीमा कोरोना संक्रमण पुष्टि भएको छ । बिहीबार भएको कोरोना परिक्षणमा अख्तियार दुरुपयोग अनुसन्धान आयोगमा कार्यरत प्रहरी सहायक निरीक्षक (असई) मा कोरोना पुष्टि भएको कार्यालयले जनाएको छ ।

झापाबाट काठमाडौँ र त्यहाँ बाट महेन्द्रनगर आएका उनमा कोरोना पुष्टि भएको हो । अख्तियार कञ्चनपुरका प्रमुख खगेन्द्र प्रसाद रिजालका अनुसार उनलाई अहिले महाकाली अस्पतालको आईसोलेसनमा राखिएको छ ।

अख्तियारका कर्मचारीमा सक्रमण पुष्टि भएलगत्तै संक्रमितको सम्कर्पमा आएका व्यक्तिको परीक्षण भएको रिजालले बताउनुभयो । उहाँले भन्नुभयो, ‘कञ्चनपुर कार्यालयमा रहेका अन्य कर्मचारीको स्वाव संकलन गर्ने समेत तयारी छ ।’