• अर्थ सरोकार सम्बाददाता 

पोखरा । प्रहरीले लागुऔषधसहित बैंकका एक पूर्व कर्मचारीलाई पक्राउ गरेको छ । पक्राउ पर्नेमा  २७ वर्षीय विशाल घमाल हुन् । घमाललाई बिहीबार बिहान साढे ११ बजे जिल्ला प्रहरी र वडा प्रहरी कार्यालयबाट खटिएको टोलीले पोखरा महानगरपालिका-११ तुलसीमार्गबाट पक्राउ गरेको हो । 

उनी बैंकका पूर्व कर्मचारी रहेको प्रहरी कार्यालयका प्रमुख प्रहरी उपरीक्षक जीवन श्रेष्ठले बताए । उनको कोठाबाट प्रहरीले ३ किलो ४ सय ग्राम गाँजा, ३०० ग्राम चरेश, ट्रमाडोल नामक लागुऔषध र तौल गर्ने मेसिन  बरामद गरेको छ । 

विभिन्न स्थानमा लागुऔषध बिक्री वितरण, ओसारपसार हुने गरेको भन्ने गोप्य सूचनाको आधारमा उनलाई पक्राउ गरिएको हो । उनीमाथि लागुऔषध नियन्त्रण ऐन, २०३३ अन्तर्गत अनुसन्धान भइहेको जिल्ला प्रहरी कार्यालयले जनाएको छ। तीनछक्क