">
- अर्थ सरोकार सम्बाददाता
बागलुङ । बागलुङमा थप तीन जनामा कोरोना संक्रमण पुष्टी भएको छ । क्षयरोग उपचार केन्द्र पोखरामा गरिएको परीक्षणमा बरेङ गाउँपालिका २ का २५ वर्षीया महिला, उनका ६ वर्षीय छोरा र बागलुङ नगरपालिका वडा नम्बर १३ का २६ वर्षीय पुरुषमा संक्रमण पुष्टी भएको हो । संक्रमितहरु सबै भारतबाट आएका हुन् । ६ वर्षीय बालक र उनकी आमा गत साउन २७ गते भारतबाट आएर बरेङ गाउँपालिकाको क्वारेन्टाइनमा बसेका छन् भने बागलुङ नगरपालिका वडा नम्बर १३ का युवा पनि भारतबाट आएर बानपा १ को क्वारेन्टाइनमा छन् ।
संक्रमित महिला र छोरालाई आइसोलेसमा ल्याइने र उनका श्रीमान र छोरालाई क्वारेन्टाइनमै राखेर दुवैको पुनः स्वाब लिइने गुरौले जानकारी दिए । योसँगै जिल्लामा संक्रमितको संख्या २ सय ७१ पुगेको छ । जसमध्ये २ सय ४६ जना निको भएर घर फर्किसकेका छन् भने एक जनाको मृत्यु भएको छ ।
