- अर्थ सरोकार सम्बाददाता
बागलुङ । गण्डकी प्रदेशमा थप २४ जनामा कोरोना संक्रमण पुष्टी भएको छ । बागलुङका एक स्वास्थ्यकर्मीसहित प्रदेशमा थप २४ जनामा कोरोना संक्रमण पुष्टी भएको हो । बागलुङको तमानखोला गाउँपालिका–२ को स्वास्थ्य संस्थामा काम गर्ने ३० बर्षीया महिला स्वास्थ्यकर्मी र सोही ठाउँकी २३ वर्षीया व्यापारी महिलामा कोरोना संक्रमण पुष्टी भएको हो ।
क्षयरोग उपचार केन्द्र पोखरामा गरीएको परीक्षणमा तनहुँका २२ जनामा संक्रमण पुष्टी भएको छ । सबै संक्रमितको सम्पर्कमा आएको भएकाले जाँच गरिएको स्वास्थ्य निर्देशनालय गण्डकीले जनाएको छ । योसँगै गण्डकी प्रदेशमा संक्रमितको संख्या २ हजार १ सय २३ पुगेको छ।
