- अर्थ सरकोकार सुदूरपश्चिम ब्युरो
धनगढी । सुदूरपश्चिम प्रदेशको अस्थायी राजधानी धनगढी यतिबेला जलगढीमा परिणत भएको छ । धनगढी उपमहानगरपालिकामा सबैभन्दा बढी वडा नं.३, १, ८, ४ लगाएताको क्षेत्र सबैभन्दा बढी डुबानको समस्यामा परेका छन् ।
अर्थ सरकोकारको टिम यि क्षेत्रमा पुग्दा डुबानका कारण विस्थापित हुनुपरेका परिवारको अवस्था देखिनसक्नुको थियो । घरभित्रै पानि पसेपछि खानको लागि खाद्यान्न नै नभएको र बस्नको लागि निकै पिडा भएको गुनासो जनताले गरेका थिए । जनताकै ति समस्या लिएर जनप्रतिनिधिसम्म पुग्दा जनप्रतिनिधिको प्रतिक्रिया भने अलि भिन्नै रुपमा प्राप्त भयो ।
के थियो जनप्रतिनिधिको प्रतिक्रिया ?
वर्षौँदेखी रहँदै आएको यो डुबानको समस्या समाधान नहुनुमा जनप्रतिनिधिकै लापरवाही रहेको धनगढी उपमहानगरपालिका वडा नम्बर ३ का अध्यक्ष बल बहादुर ऐरले बताए । बहसमुलक रेडियो कार्यक्रम सुदूर बहसमा बोल्दै ऐरले भने, ‘मैले यो समस्याका बारेमा प्रत्येक वर्ष तिनै तहका सरकारलाई भन्दै आएको छु, अव त भन्न पनि लाज लागि सक्यो ।
धनगढी सुदूरपश्चिममा एउटामात्रै उपमहानगरपालिका हो । त्यतिमात्रै होइन सुदूरपश्चिमकै अस्थायी राजधानि पनि हो । ‘यहाँ मुख्यमन्त्रीदेखी सासंद, मन्त्री, मेयर सबै छन् तर सबैको काम गराई खोक्रो छ’ , अध्यक्ष ऐरले भने, ‘कयौँ पटक समस्या राखेको छु तर यि तिनै तहका सरकारको आश्वासनका कारणले गर्दा आफै जनताको अप्रिय बन्नु परेको छ ।’
नेता तथा जनप्रतिनिधिहरु समृद्धि र विकासका लागि खर्च गर्न भन्दा पनि बढी आफ्नै भावी सन्ततिका लागि सम्पत्ति जोगाउन व्यस्त बनेको उनको तर्क थियो । त्यस्तै उनले धनगढी उपमहानगरपालिकाले योजना निर्माण गर्दा र बजेट विनियोजन गर्दा वडा नम्बर ३ लाई सँधै हेप्ने गरेको आरोप लगाए ।
अध्यक्ष ऐरले उक्त डुबानको समस्या समाधान नहुनुमा तिनै तहका सरकारको उदासिनता रहेको दोहोर्याउँदै जनताले दिएको मत र तिरेको करको सम्मान गर्दै बेलैमा ध्यान नदिए जनता सडकमा उर्तिन सक्ने समेत चेतावनि दिए ।
