• अर्थ सरोकार सम्बाददाता 

काभ्रे । काभ्रेमा शुक्रबार थप २९ जनामा कोरोना संक्रमण पुष्टी भएको छ । बनेपामा रहेको स्पाइनल इन्जुरी अस्पतालमा कार्यरत २० जना पुरुष र ७ जना महिलामा कोरोना संक्रमण पुष्टी भएको हो । जिल्ला स्वास्थ्य कार्यालयले बनेपामै रहेको शीरमेमोरियल अस्पतालमा एक पुरुष र भुम्लु गाउँपालिका बस्ने एक पुरुषमा कोरोना देखिएको जानकारी दिएको छ । 

जिल्लामा कोरोना संक्रमितको संख्या २ सय २२ पुगेको छ । अधिकाशं संक्रमितहरु होम आइसोलेसनमै रहेको जिल्ला स्वास्थ्य कार्यालयले जनाएको छ । जिल्लामा संक्रमितमध्ये ८१ जना व्यक्तिहरु उपचारपछि घर फर्किसकेका छन् ।