• अर्थ सरोकार सम्बाददाता 

काठमाडौँ । पहिलोपटक नेपाली महिला बैंकरमा कोरोना संक्रमण पुष्टी भएको छ । एक वाणिज्य बैंकको शाखामा कार्यरत उनलाई कोरोना संक्रमण पुष्टी भएको हो । उनलाई अहिले आइसोलेसनमा राखिएको छ । उनको स्वास्थ्यस्थिति सामान्य रहेको बुझिएको छ । कन्ट्याक्ट ट्रेसीङ गरी उनी सम्पर्कमा आएकाहरुकोसमेत परिक्षण गरिएको छ । उनीहरुको परिक्षणको नतिजा आउन बाँकी छ ।

पछिल्लो समय बैंकरहरुमा कोरोना संक्रमण देखिएपछि बैंकका कर्मचारीहरु पनि त्राहिमाम भएका छन् । बैंकहरुमा कोरोना संक्रमण देखिन थालेपछि बैंकहरुले सजगता पनि बढाएका छन् । केहि दिनअघि नेपाल इन्भेष्टमेन्ट बैंक लिमिटेड, मेगा बैंक लिमिटेड, नेपाल बंगलादेश बैंक लिमिटेडलगायतका बैंकमा कार्यरत कर्मचारीमा कोरोना संक्रमण देखिएको थियो ।

त्यसपछि राष्ट्रिय बाणिज्य बैंक र कृषि बिकास बैंक लिमिटेडका कर्मचारीमा पनि कोरोना संक्रमण देखिएको थियो ।