• अर्थ सरोकार सम्बाददाता 

बारा । बारामा सोमबार ९२ जनामा कोरोना संक्रमण पुष्टी भएको छ । जनप्रतिनिधि र कर्मचारीसहित थप ९२ जनामा कोरोना संक्रमण पुष्टी भएको हो । 

संक्रमित हुनेहरुमा कलैया उपमहानगरपालिकाका चार जना वडाध्यक्ष र इन्जिनियरसहितका कर्मचारी गरी ७३ जनामा कोरोना सङ्क्रमण देखिएको हो । यस्तै अमलेखगञ्जको नेपाल आयल निगमका दुई जना अधिकृतसहित पाँच जना कर्मचारीमा पनि कोरोना देखिएको हो ।

संक्रमित कर्मचारीलाई होटलको आइसोलेशनमा राखिएको छ । साथै अमलेखगञ्जमा कर्मचारी र टयाङ्कर चालक गरी १६ जना, परवानीपुर गाउँपालिका ५ को बहुअरिका एक र अन्य दुई जनामासमेत कोरोनाको देखिएको छ ।