">
- अर्थ सरोकार सम्बाददाता
वीरगञ्ज । वीरगञ्जस्थित नारायणी अस्पतालमा उपचारका क्रममा मृत्यु भएका बाराका दुई जनामा कोरोना भाइरसको संक्रमण पुष्टी भएको छ। उपचारका क्रममा बिहीबार बिहान मृत्यु भएका बाराको जीतपुर-सिमरा उपमहानगरपालिकाका–४ सिमरा टोलका ५० वर्षीय पुरुष र प्रसौनी गाउँपालिका–२ प्रसौनी टोलका ६५ वर्षीय पुरुषमा कोरोनाको संक्रमण पुष्टी भएको हो ।
नारायणी अस्पतालको प्रयोगशालामा गरिएको परीक्षणमा उनीहरुमा कोरोना संक्रमण पुष्टि भएको अस्पतालका मेडिकल सुपरिटेन्डेन्ट डा. मदन उपाध्यायले जानकारी दिए । योसँगै बारामा कोरोना संक्रमणबाट मृत्यु हुनेको संख्या ५ पुगेको छ ।
