- अर्थ सरोकार सम्बाददाता
भक्तपुर । भक्तपुरमा एकै दिन थप १३ जनामा कोरोना संक्रमण पुष्टी भएको छ । ९ जना पुरुष र ४ जना महिलामा संक्रमणको पुष्टी भएको स्वास्थ्य कार्यालयले जनाएको छ । स्वास्थ्य कार्यालयका अनुसार १३ जना मध्य भक्तपुर नगरपालिकामा ६ जना, मध्यपुर थिमि नगरपालिकामा ३ जना, सूर्यविनायक नगरपालिकाका ३ जना र चाँगुनारायण नगरपालिकामा एक जना रहेका छन् ।
हालसम्म भक्तपुरमा संक्रमितहरुको संख्या एकसय ५५ जना पुगेको स्वास्थ्य कार्यालयको तथ्यांक छ। भक्तपुरमा पनि समुदायस्तरमै संक्रमण फैलिसकेको निष्कर्ष स्वास्थ्य कार्यालयको छ । हालसम्म भक्तपुरका ५७ जना कोरोनालाई जितेर अस्पतालबाट डिस्चार्ज भै सामान्य जीवनमा फर्किसकेका छन् ।
