• अर्थ सरोकार सम्बाददाता 

इटहरी । अख्तियार दुरुपयोग अनुसन्धान आयोगले घुस लिएको अभियोगमा इटहरी नगरपालिका सुनसरीका लेखा अधिकृत विकास पोखरेलविरुद्ध विशेष अदालतमा मुद्दा दायर गरेको छ । पोखरेलले ६५ हजार घुस लिएको भन्दै आयोगले आइतबार विशेष अदालतमा मुद्दा दायर गरेको हो । 

उपमहारनगरपालिकाको शिक्षा शाखाले कक्षा ८ को परीक्षा सञ्चालनमा भएको खर्चको फरफारक गरी भुक्तानी दिने क्रममा पोखरेलले सेवाग्राहीसँग घुस माग गरेको आरोप लागेको छ । आयोगका प्रवक्ता तारानाथ अधिकारीका अनुसार आरोपी पोखरेलविरुद्ध बिगो अनुसारको कारवाहीको माग दाबी गरिएको छ ।