• अर्थ सरोकार सम्बाददता 

विराटनगर । विराटनगर महानगरपालिकामा थप ४३ जनामा कोरोना संक्रमण पुष्टी भएको छ । समुदायस्तरमा कोरोना सङ्क्रमण फैलिएसँगै महानगरपालिकामा थप ४३ जनामा संक्रमण पुष्टी भएको हो ।

महानगरपालिकाद्वारा शनिबार गरिएको परीक्षणमा सो सङ्ख्यामा सङ्क्रमण देखिएको जनस्वास्थ्य महाशाखा प्रमुख रमेश कार्कीले बताए । जसमा १९ जना महिला रहेका छन् । सङ्क्रमितमा विराटनगर–६ का सात जना, ३, ९, ११ र १५ का छ/छ जना , विराटनगर २ र ५ का चार/चार जना, विराटनगर ४ का तीन जना र विराटनगर ८ का एक जना रहेका छन् । सङ्क्रमितको कुल सङ्ख्या ५२३ पुगेको छ भने निको भई घर फर्कनेको सङ्ख्या ८६ जना रहेका छन् ।