• अर्थ सरोकार सम्बाददाता 

मोरङ । विराटनगर महानगरपालिकामा कोरोना  संक्रमितको संख्या दुई सय ७८ पुगेको छ । पछिल्लो पटक २२ जना संक्रमित थपिएसँगै संक्रमण संख्या तीन सयको नजिक पुगेको हो । विराटनगरको एउटा वडामा ११ जनामा संक्रमण पुष्टि भएको महानगरको जनस्वास्थ्य महाशाखा प्रमुख रमेश कार्कीले बताए । 

विराटनगरमै गरिएको परीक्षणबाट मोरङको जहदाका एक र प्रदेश २ का चार जनामा पनि कोरोना देखिएको छ । विराटनगरमा शनिबार दिउँसो ३३ जना संक्रमित थपिएका थिए । राति थप २२ जनामा संक्रमण पुष्टि भएको हो । कार्कीले समुदायस्तरमा कोरोना संक्रमण तीव्र रुपमा फैलिइरहेको बताउँदै सबैलाई सचेत रहन र सावधानी अपनाउन आग्रह गरेका छन् ।