">
- अर्थ सरोकार सम्बाददाता
स्याङ्जा । शहीद स्मारक ए डिभिजन फुटबल लिग क्लब हिमालयन शेर्पाका स्टाइकर विश्वास श्रेष्ठको घरमा आगलागी भएको छ । श्रेष्ठको स्याङ्जा वालिङस्थित घरमा शनिबार राति आगलागी भएको हो।
ग्यास लिक भएर आगो लागेको फुटबलर श्रेष्ठले बताए । आगलागीबाट उनकी आमालाई चोट लाग्नुका साथै घरमा धेरै क्षति भएको छ । आगो वालिङ नगरपालिकाको दमकल र स्थानीयहरु मिलेर आगो निभाएका थिए । आगलागीबाट झण्डै १५/२० लाख बराबरको क्षति भएको बताइएको छ ।
