• अर्थ सरोकार सम्बाददाता 

काठमाडौं । बुद्ध एयरलाइन्सले भदौ १ गतेबाट आन्तरिकतर्फका उडान भर्ने भएको छ । एयरलाइन्सले प्रेस विज्ञप्ती जारी गर्दै भदौ १ गतेबाट आन्तरिकतर्फका उडान भर्ने जनाएको हो ।  एयरलाइन्सले भाडादरसमेत सार्वजनिक गरेको छ ।  

कोभिड महामारीका बेला नागरिकले सडक यात्रामार्फत दसौं हजार रुपैयाँ खर्च गर्नुपरेको भन्दै बुद्धले सस्तो दरमा हवाई सेवा दिन लागेको हो । सार्वजनिक भाडादर अनुसार पोखरा १९ सय, विरानगर तीन हजार, जनकपुरको २७ सय रुपैयाँ तोकिएको छ । धनगढी ५४ सय रुपैयाँमै जान सकिने भएको छ । कोरोनाका कारण गत चैत्र महिनादेखि आन्तरिक र बाह्य उडान बन्द अवस्थामा छन् ।