">
- अर्थ सरोकार सम्बाददाता
बुटवल । ईलाका प्रहरी कार्यालय बुटवलको हिरासतमा रहेका १० जना थुनुवामा कोरोना पुष्टी भएको छ । जिल्ला जनस्वास्थ्य कार्यालय रुपन्देहीले १० जना थुनुवामा कोरोना संक्रमण पुष्टी भएको जनाएको हो ।
विभिन्न घटनामा बुटवल आसपासबाट पक्राउ गरिएका उनीहरुको कोरोना पोजेटिभ पाइएको हो। ईलाका प्रहरी कार्यालयका अनुसार उक्त हिरासतमा २७ जना थुनुवा रहेका छन् । यसअघि सोही कार्यालयका ४ जना प्रहरी जवानलाई पनि कोरोना संक्रमण पुष्टी भएको थियो।
यस्तै बुटवलका दुई जना चिकित्सकमा पनि संक्रमण देखिएको छ । रुपन्देहीमा संक्रमितको संख्या ७ सय ६० पुगेको छ ।
