- अर्थ सरोकार सम्बाददाता
काठमाडौं । अब पुराना मोटरसाइकल र कार चढ्नेले वार्षिक रुपमा थप ५% ‘बुढो कर’ तिर्नुपर्ने भएको छ । १४ वर्षभन्दा पुराना मोटरसाइकल र कारधनी उक्त कर तिर्नुपर्ने भएको हो । कार तथा मोटरसाइकल दुवैमा अतिरिक्त शुल्क लिने व्यवस्था सवारी तथा यातायात व्यवस्था ऐन २०४९ मै व्यवस्था गरिएको छ । सोही अनुसार सवारीधनीले थप ५% ‘बुढो कर’ तिर्नुपर्नेछ ।
सरकारले उक्त नियमलाई पूर्ण रूपले कार्यान्वयनमा ल्याएको छ । अब सडकमा गुडिरहेको जुनसुकै बेला ट्राफिक प्रहरीले बिलबुक चेक गर्ने क्रममा पनि १४ वर्षभन्दा पुरानो निजी सावारीसाधन चलाउने सवारी धनीहरूलाई यस्तो अतिरिक्त कर लाग्ने बारेमा जानकारी दिने यातायात व्यवस्था कार्यालयले जनाएको छ ।
