• अर्थ सरोकार सम्बाददाता 

काठमाडौं । चार्टर्ड एकान्टेन्सी सम्वन्धि शिक्षा प्रदान गर्दै आएको सर्टिफाइड कलेज अफ एकाउन्टेन्सी (सीसीए)ले निःशुल्क अनलाइन कक्षा सञ्चालन गरेको छ । सीसीएले एनइबी कक्षा १२ को परिक्षाको लागि जुलाई २६बाट एक महिनाका लागि निःशुल्क प्रि अनलाइन कक्षा सञ्चालन गरेको हो । 

विश्व महामारीको रुपमा फैलिएको कोरोनाका कारण विद्यालय तथा विश्वविद्यालयका कक्षाहरु र परिक्षासमेत प्रभावित भएको र विद्यार्थीहरुमा मानसिक तनाव बढेको पाइएको छ । यसलाई न्यूनिकरण गर्न र परिक्षाको तयारी गर्न भनेर अनलाइनबाट निःशुल्क कक्षा सञ्चालन गरेको सीसीएका निर्देशक मनिष शर्माले जानकारी दिए ।

शर्मा भन्छन्, ‘प्रि कक्षा, विद्यार्थीहरुका लागि खाली समयमा लेखा सम्वन्धि ज्ञान हासिल गर्नका लागि एक राम्रो अवसर हुनेछ । यस्तो कक्षा विद्यार्थीहरुलाई चार्टर्ड एकाउन्टेन्ट बारेमा जानकारी हासिल गर्न सहयोगी सावित हुनेछ ।’

खासगरी, सीसीएले वर्तमान अवस्थालाई हेरेर प्रि कक्षा संचालन गरेको हो । कक्षा, जुम एप्लिकेशनमार्फत प्रदान गरिरहेको सीसीएले जनाएको छ । एसीसीए अध्ययनरत कक्षा १२ का विद्यार्थीहरुले निःशुल्क कक्षामा सहभागिता जनाउन सक्नेछन् ।