- अर्थ सरोकार सम्बाददाता
कास्की । गण्डकी प्रदेशमा थप १४ जनामा कोरोना संक्रमण पुष्टी भएको छ । पोखरा क्षयरोग केन्द्र र भरतपुर अस्पताल चितवनमा गरिएको परीक्षणमा गण्डकीमा थप १४ जनामा कोरोना पुष्टी भएको हो । गण्डकी स्वास्थ्य निर्देशनालयका निर्देशक डा. विनोदविन्दु शर्माका अनुसार नयाँ संक्रमितहरु नवलपरासी पूर्वका १२ जना र तनहुँका २ जना रहेका छन् । कोरोना संक्रमितहरुलाई आईसोलेसन लैजाने तयारी भइरहेको स्वास्थ्य निर्देशक डा.शर्माले जनाकारी दिए ।
योसंगै गण्डकी प्रदेशमा संक्रमितको संख्या १ हजार ७७९ पुगेको छ । प्रदेशमा कोरोनको संक्रमणबाट निकोहुनेको संख्या १ हजार ५५० पुगेको प्रदेश स्वास्थ्य निर्देशनालयले जानकारी दिएको छ । गण्डकी प्रदेशमा अहिलेसम्म कोरोना संक्रमणबाट सात जनाको मृत्यु भएको छ ।
