• अर्थ सरोकार सम्बाददाता 

काठमाडौं । विश्वभर कोरोना संक्रमितको संख्या २ करोड १८ लाखभन्दा बढी पुगेको छ । संक्रमणकै कारण मर्नेको संख्‍या झण्डै ८ लाख रहेको छ। जोन होप्किन्स विश्वविद्यालयका अनुसार हालसम्म २ लाख १८ लाख २६ हजार ७ सय ६९ जनामा संक्रमण पुष्टि भएको हो। विश्वभर ७ लाख ७४ हजार २ सय ८८ जना संक्रमितको मृत्यु भइसकेको छ।

संक्रमणका कारण अमेरिका सर्वाधिक प्रभावित छ। त्यहाँ ५४ लाख ३ हजार २ सय १३ जनामा संक्रमण देखिएको छ भने १ लाख ७० हजार ५२ जना संक्रमितको मृत्यु भइसकेको छ। दोस्रो प्रभावित ब्राजिलमा ३३ लाख ४० हजार १ सय ९७ जना संक्रमित छन् । जसमध्य १ लाख ७ हजार ८ सय ५२ जनाको मृत्यु भएको छ। संक्रमण दरको हिसाबले भारत र रसिया तेस्रो र चौथो प्रभावित देश हुन् भने मृत्यु दरको हिसाबमा मेक्सिको सूचिको तेस्रो र भारत चौथो स्थानमा छ।