">
- अर्थ सरोकार सम्बाददाता
वीरगञ्ज । नारायणी अस्थायी कोरोना अस्पतालमा एक जनाको मृत्यु भएको छ । वीरगञ्जका ५७ वर्षीय एक व्यवसायीको उपचारको क्रममा मृत्यु भएको हो । बुधबार साँझ ती व्यवसायीको स्वाब संकलन गरिएपनि हालसम्म रिपोर्ट नआइसकेको अस्पताल प्रशासनले जनाएको छ ।
बुधबार राति करिब १० बजे स्वास्थ्यमा समस्या आएपछि उनलाई भेन्टिलेटरमा राखिएको थियो । बिहीबार बिहान साढे ८ बजे उनको मृत्यु भएको हो । मुटुरोगी ती व्यवसायी पछिल्लो समय निमोनिया र श्वासप्रश्वासको समस्या लिएर मंगलबार अस्पताल आएका कोरोना अस्पतालका संयोजक डा. उदय नारायण सिंहले बताए ।
