- अर्थ सरोकार सम्बाददाता
धरान । धरानको वीपी कोइराला स्वास्थ्य विज्ञान प्रतिष्ठानमा उपचाररत कोरोना संक्रमित युवतीले छोरी जन्माएकी छिन् । विराटनगर–२ की २० वर्षीया महिलाले सोमबार बेलुका ६ बजे प्रतिष्ठानको कोभिड–१९ अस्पतालमा सामान्य रुपमा छोरी जन्माएको प्रतिष्ठानका प्रवक्ता डा.निदेश सापकोटाले जानकारी दिए ।
भदौ ३ गते ती युवतीमा संक्रमण पुष्टी भएको थियो । उनलाई भदौ ७ गते वीपी प्रतिष्ठानमा भर्ना गरिएको थियो ।आमा र छोरी दुवैको स्वास्थ्य अवस्था सामान्य रहेको अस्पतालले जनाएको छ ।
