- अर्थ सरोकार सम्बाददाता
काठमाडौं । फर्स्ट माइक्रोफाइनान्स लघुवित्त वित्तीय संस्थाले आफ्नो सेयरधनीहरुलाई १३.६८४% लाभांश दिने घोषणा गरेको छ । कम्पनीको बुधबार बसेको सञ्चालक समिति बैठकले आर्थिक वर्ष २०७६/७७ को नाफाबाट ९.५०% बोनस र ४.१८४% नगद लाभांश दिने निर्णय गरेको हो ।
कम्पनीले ७ करोड ६० लाख ७० हजार ४५४ रुपैयाँ बराबरको बोनस र ३ करोड ३५ लाख ४ हजार ६८३ रुपैयाँ नगद लाभांश वितरण गर्ने भएको छ । सञ्चालक समितिको निर्णय अनुमोदनका लागि नेपाल राष्ट्र बैंक र आगामी वार्षिक साधारण सभामा पेश गरिने समताले जनाएको छ ।
प्रतिक्रिया दिनुहोस्