• अर्थ सरोकार सम्बाददाता 

काठमाडौं । अखिल नेपाल फुटबल संघ (एन्फा) ले बन्द प्रशिक्षणका लागि बोलाइएका एक खेलाडीमा कोरोना पुष्टी भएको छ । नेपाली राष्ट्रिय पुरुष टोलीको बन्द प्रशिक्षणमा बोलाइएका २० वर्षीय खेलाडीमा कोरोना पुष्टी भएको हो । एन्फाले फिफा विश्वकप २०२२ तथा एएफसी एसियन कप २०२३ संयुक्त छनोट तयारीका लागि खेलाडीलाई बन्द प्रशिक्षणमा रहन बोलाएको थियो । 

नेपालमा यसअघि क्रिकेटका एक खेलाडीमा कोरोना पुष्टी भएको थियो । फुटबलमा भने पहिलो पटक खेलाडीलाई कोरोना संक्रमण देखिएको हो । यस्तै स्क्वास खेलका प्रशिक्षक हिरा थापालाई पनि कोरोना संक्रमण देखिएको थियो । उनी अहिले होम आइसोलेसनमा छन् ।

बन्द प्रशिक्षणकै लागि एन्फाले खेलाडीलाई साउन १७ गतेदेखि क्‍वारेन्टिनमा राखेको थियो । यसै क्रममा एन्फाले भदौ १ देखि फुटबल टोलीको बन्द प्रशिक्षण सुरु गर्ने भन्दै खेलाडी र अफिसियलहरुको कोरोना परीक्षण गरेको थियो ।