• अर्थ सरोकार सम्बाददाता 

बागलुङ । गण्डकी प्रदेशमा शुक्रबार १७ जनामा कोरोना पुष्टी भएको छ । क्षयरोग उपचार केन्द्र पोखरामा गरिएको परीक्षणमा चार जिल्लाका १७ जनामा संक्रमण पुष्टी भएको हो ।   

संक्रमण पुष्टी हुनेमा नवलपरासीको बर्दघाट सुस्ता पूर्व विनय त्रिवेणी गाउँपालिका १ का चार जना महिला र वडा नं.२ का २ जना पुरुष छन् । यस्तै देवचुली नगरपालिका १५ का एक जना महिला र १६ का एक जना पुरुषमा संक्रमण देखिएको छ । लमजुङको मस्याङ्दी गाउँपालिका ४ मा एक जना महिला र बेशीसहर ८ मा एक पुरुष, कास्कीको पोखरा महानगरपालिका ३० मा एक महिला र १७ का दुई पुरुषमा पनि संक्रमण पुष्टी भएको छ।​

यस्तै तनहुँमा थप चार जना कोरोना संक्रमित थपिएका छन् । योसँगै गण्डकीमा संक्रमितको संख्या दुई हजार २२ पुगेको । प्रदेशभर कोरोनाकै कारण नौ जनाको मृत्यु भएको छ ।