काठमाडौँ । साताको कारोबारको चौथौ दिन बुधबार सुनको मूल्य घटेको छ । मंगलबार प्रति तोला १ लाख १ हजार ६ सय रुपैयाँमा कारोबार भइरहेको छापावाला सुन आज ६ हजार २ सयले घटेर प्रतितोला ९५ हजार  ४ सय रुपैयाँमा कारोबार भइरहेको छ । 

यता, चाँदीको मूल्य पनि २ सय २५ रुपैयाँले घटेर प्रतितोला एक हजार २ सय १० रुपैयाँमा कारोबार भइरहेको छ । नेपाल सुनचाँदी व्यवसायी महासंघले आज (मंगलबार) प्रति १० ग्राम सुनको मूल्य ८१ हजार ७ सय ९० रुपैयाँ तोकेको छ भने प्रति १० ग्राम चाँदीको मूल्य प्रति १० ग्राम १ हजार ३७ रुपैयाँ ५ पैसा कायम गरेको छ ।

रसियामा कोभिड-१९ को भ्याक्सिन तयार भएको समाचार प्रकाशित भएसँगै सुनको भाउ घटेको हुन सक्ने नेपाल सुनचाँदी व्यवसायी महासंघका पूर्वअध्यक्ष मणिरत्न शाक्यले बताए ।