• अर्थ सरोकार सम्बाददाता

काठमाडौं । त्रिवि शिक्षण अस्पतालमा थप चार जना स्वास्थ्यकर्मीमा कोरोना संक्रमण पुष्टी भएको छ। शुक्रबार आएको रिपोर्टमा थप चार जना स्वास्थ्यकर्मीलाई कोरोना पुष्टी भएको हो । योसँगै त्रिवि शिक्षण अस्पतालमा संक्रमित हुने स्वास्थ्यकर्मीको संख्या २२ पुगेको छ । यसअघि बुधबार मात्र इमरजेन्सीका ४ जना नर्सिङ स्टाफ र दुई जना चिकित्सक सहित ६ जनामा कोरोना भेटिएको थियो । 

इमरजेन्सी विभागका एक सय बढी स्वास्थ्यकर्मीको कोरोना परीक्षणका लागि नमुना संकलन गरिएको छ । हाल त्रिवि शिक्षण अस्पतालको इमरजेन्सी विभाग बन्द छ । बुधबार ६ जना स्वास्थ्यकर्मीलाई कोरोना देखिएपछि उक्त विभाग सिल गरिएको थियो । बाँकी स्वास्थ्यकर्मीको रिपोर्ट आएपछि मात्र सेवा सञ्चालन गर्ने विषयमा निर्णय हुने अस्पतालले जनाएको छ । अस्पतालको इमजरेन्सी विभाग बन्द रहे पनि अन्य ओपिडी र ओटी सेवा भने सञ्चालन भइरहेको छ ।