• अर्थ सरोकार सम्बाददाता

इलाम । इलाममा क्वारेन्टाइनमा बसेका एक जनाको मृत्यु भएको छ । सूर्योदय नगरपालिकाको करफोक विद्या मन्दिरको क्वारेन्टाइनमा बसेका २२ वर्षका युवाको गएराति मृत्यु भएको हो । युवकमा रुघाखोकी, ज्वरो र श्वासप्रश्वासमा समस्या देखिएको जिल्ला स्वास्थ्य कार्यालयका कोभिड-१९ फोकल पर्सन बिमल बरालले जानकारी दिनुभयो । 

ती युवकको साउन २९ गते स्वाब संकलन गरी विराटनगर पठाइएको तर रिपोर्ट भने आउन बाँकी नै रहेको पनि बरालले बताउनुभयो । ती युवक भारतको हैदराबादबाट आएर साउन २६ देखि क्वारेन्टाइनमा बसेका थिए ।