• अर्थ सरोकार सम्बाददाता 

काठमाडौँ । भारतमा कोरोना भाइरसका कारण पछिल्लो २४ घण्टामा झण्डै ६१ हजार मानिसमा कोरोना संक्रमण पुष्टी भएको छ । केन्द्रीय स्वास्थ्य तथा परिवार कल्याण मन्त्रालयले पछिल्लो २४ घण्टामा ६० हजार ९६३ जना मानिसमा संक्रमण पुष्टी भएको जानकारी दिएको हो ।

योसँगै भारतमा कुल सङ्क्रमितको संख्या २३ लाखभन्दा बढी पुगेको छ । भारतमा कोरोनाकै कारण अहिलेसम्म ४६ हजार ९१ जनाको मृत्यु भएको छ । तीमध्ये ८३४ जनाको पछिल्लो २४ घण्टामा मृत्यु भएको हो । कुल सङ्क्रमित २३ लाख २९ हजार ६३९ मध्ये छ लाख ४३ हजार ९४८ जना अझै पनि सङ्क्रमित अवस्थामै रहेका छन् भने १६ लाख ३९ हजार छ सय जना निको भएका छन् ।