• अर्थ सरोकार सम्बाददाता 

काठमाडौं । भारतमा पछिल्लो २४ घण्टामा ५ हजार ७९ जना कोरोना संक्रमित फेला परेका छन् । भारतको स्वास्थ्य मन्त्रालयले दिएको जानकारी अनुसार ५ हजार ७९ जना नयाँ कोरोना संक्रमित थपिएसंगै संक्रमित संख्या २७ लाख दुई हजार ७४३ पुगेको हो ।

भारतमा कोरोना भाइरसको कारण मृत्यु हुनेको संख्या पनि ५१ हजार ७९७ पुगेको छ । पछिल्लो २४ घण्टामा मात्र भारतमा कोरोना भाइरसको कारण ८७६ जनाको मृत्यु भएको हो ।

अमेरिका र ब्राजिलपछि भारत कोरोना भाइरसबाट सबैभन्दा प्रभावित बनेको मुलुक हो । अहिलेसम्म भारतमा १९ लाख ७७ हजार ७८० जना संक्रमित निको वा डिस्चार्ज भइसकेका छन् ।