काठमाडौँ । भारतमा कोरोना संक्रमितको संख्या दिनप्रतिदिन बढ्दै गइरहेको छ । भारतमा कोरोना संक्रमितको संख्या ३० लाख नाघेको छ । भारतको स्वास्थ्य मन्त्रालयले दिएको जानकारी अनुसार पछिल्लो २४ घण्टामा मात्र ७० हजार ४ सय ८८ नयाँ संक्रमित फेला परेका छन् । 

भारतमा पछिल्लो २४ घण्टामा ९ सय १८ को मृत्यु भएको छ ।भारतमा कोरोनाका कारण हालसम्म ५६ हजार ८ सय ४६ को मृत्यु भइसकेको छ । यस्तै २२ लाख ७९ हजार ९ सय संक्रमित निको समेत भइसकेका छन् । पछिल्लो २४ घण्टामा ५९ हजार १ सय १ बिरामी अस्पतालबाट डिस्चार्ज भएका छन् ।

हालसम्म भारतमा ३० लाख ४३ हजार ४ सय ३६ कोभिड–१९ द्वारा संक्रमित छन् । भारतमा कोरोनाका सक्रिय संक्रमित ७ लाख ६ हजार १ सय ३८ रहेका छन् ।

भारतमा कोरोनाले सबैभन्दा धेरै महाराष्ट्रलाई प्रभावित पारेको छ । यहाँ ६ लाख ७१ हजार ९ सय ४२ संक्रमित छन् भने २१ हजार ९ सय ९५ को मृत्यु भइसकेको छ । पछिल्लो २४ घण्टामा राज्यमा कोरोनाका १४ हजार ४ सय ९२ नयाँ संक्रमित थपिएका छन् भने २ सय ९७ को मृत्यु भएको छ ।