काठमाडौँ । आज जनै पूर्णिमा । अर्थात रक्षा बन्धन । तर हरेक बर्षजस्तो देखिने दृश्यभन्दा फरक छन् काठमाडौँका मन्दिरहरु, मन्दिर परिसर । कसैलाई पनि मन्दिर प्रवेश गर्न दिइएको छैन । घर-घर पुगेर जनै र डोरो बाँध्न खोज्ने पुरोहित बाजेलाई महादेवस्थानमा स्थानीयले लखेटेका छन् । 

यता उक्त घरका घरभेटीलाई पनि यस्तो काम गर्न दिएको भन्दै स्थानीयले कारवाहीको माग गरेका छन् । ‘ती बाजे र घरभेटी दुबैलाई क्वारेन्टाइनमा लैजानुपर्छ ।’एक स्थानीयले आक्रोशित हुँदै भने, ‘यो बर्ष ती बाजेले व्यापार नचलाए हुन्न ? मान्छेको ज्यान ठुलो कि तिनको दक्षीणा’ ? 

यता महादेवस्थान परिसरमा बाक्लो संख्यामा प्रहरी तैनाथ गरिएको छ । मास्क नलगाई हिड्नेलाई प्रहरीले नियन्त्रणमा लिएर राखेको छ ।