काठमाडौँ । घर-घर पुगेर जनै र डोरो बाँध्न खोज्ने पुरोहित बाजेलाई महादेवस्थानमा स्थानीयले लखेटेका छन् । घरभित्र पसी भीड जम्मा गरी आफ्नो ‘व्यापार’ चलाइरहेका ‘बाहुन-बाजे’लाई स्थानीयले लखेटेका हुन् । सुरुमा भीड जम्मा गरेर बसेका ती बाजेका विरुद्ध स्थानीयले प्रहरीलाई खबर गरेका थिए । तर प्रहरी आएर पनि थर्काउने काममात्र गरेको र ती बाजेलाई त्यहाँबाट ननिकालेको भन्दै स्थानेयाले उनलाई लखेटेका हुन् ।

यता उक्त घरका घरभेटीलाई पनि यस्तो काम गर्न दिएको भन्दै स्थानीयले कारवाहीको माग गरेका छन् । ‘ती बाजे र घरभेटी दुबैलाई क्वारेन्टाइनमा लैजानुपर्छ ।’एक स्थानीयले आक्रोशित हुँदै भने, ‘यो बर्ष ती बाजेले व्यापार नचलाए हुन्न ? मान्छेको ज्यान ठुलो कि तिनको दक्षीणा’ ?  

यता महादेवस्थान परिसरमा बाक्लो संख्यामा प्रहरी तैनाथ गरिएको छ । मास्क नलगाई हिड्नेलाई प्रहरीले नियन्त्रणमा लिएर राखेको छ ।