• अर्थ सरोकार सम्बाददाता 

झापा । बैंकिङ कसुरको मुद्दामा फरार रहेका बाह्रदर्शी गाउँपालिका-३ बस्ने नरप्रसाद पनेरु पक्राउ परेका छन् ।प्रहरीले उनीलाई आइतबार  पक्राउ गरेको हो । उच्च अदालत पाटनको २०७६ माघ २१ गतेको फैसलाले उक्त मुद्दामा ४ दिन कैद र ३ लाख ३९ हजार ७ सय रुपैयाँ जरिवाना ठहर भई फरार रहेका उनलाई जिल्ला प्रहरी कार्यालय झापाबाट खटिएको प्रहरीले निजकै घरबाट पक्राउ गरेको हो ।

पनेरुलाई कैद भुक्तानको लागि झापा कारागार पठाइएको जिल्ला प्रहरी कार्यालय झापाले जनाएको छ ।