• अर्थ सरोकार सम्बाददाता 

ललितपुर । कोरोना भाइरसका कारण ललितपुरको किस्ट अस्पतालमा उपचाररत अर्का एक जनाको पनि मृत्यु भएको छ । अस्पतालका चिफ अपरेटिङ अफिसर अमिस पाठकका अनुसार संक्रमितको  उपचारकै क्रममा मृत्यु भएको हो ।

बाराको कलैया घर भएका ७७ वर्षीय उनलाई २६ गते राति त्रिवी शिक्षण अस्पतालले इमर्जेन्सीमा रिफर गरेको थियो । उनको आज बिहान ४ बजे मृत्यु भएको थियो । रिपोर्ट भने दिउँसो १ बजे आएको हो । किस्ट अस्पतालमै मंगलबार राति पनि काठमाडौं टेकुकी ७८ वर्षीया महिलाको मृत्यु भएको थियो ।