• अर्थ सरोकार सम्बाददाता 

काठमाडौँ ।  ३ जना कर्मचारीमा कोरोना संक्रमण पुष्टी हुँदा पनि कृषि विकास बैंकले केन्द्रीय कार्यालय सिल नगरी चरम लापरवाही गरेको पाइएको छ । बैंकका कर्मचारीमा बुधबार कोरोना संक्रमण पुष्टी भएपनि बैंकको सेवा सदाझैँ चलिरहेको छ । बिहीबारदेखि लकडाउन सुरु हुने भएपछि ग्राहकको चाप झन बढेको छ, जसले गर्दा बैंकको लापर्वाहिका कारण समुदायमा कोरोना फैलिने त्रास बढेको छ ।

यस विषयमा बुझ्दा बैंकका प्रवक्ताले समेत गैरजिम्मेवार अभिव्यक्ती दिएका छन् । ‘कोरोना संक्रमित कर्मचारीमा कुनै लक्षण छैन । ग्राहकको चाप पनि बढेको छ । बैंक किन सिल गर्नु ? कोरोना संक्रमित भेटिएपछि बैंक सिल गर्नुपर्छ भनेर कहाँ लेखेको छ ?’ बैंकका प्रवक्ता पौडेलले अर्थ सरोकारसँग भने ‘संक्रमित भेटीएको पनि हो, उनीहरु आइसोलेसनमा छन् । अरु कर्मचारीको परिक्षण पनि भएको छ । तर बैंक फिल केही भएको छैन, सिल गर्न आवश्यक पनि छैन ।’