• अर्थ सरोकार सम्बाददाता 

लमजुङ । लमजुङमा कार्यरत जिल्ला प्रहरी कार्यालयका ३ जना प्रहरीमा कोरोना संक्रमण पुष्टी भएको छ । कन्ट्रयाक ट्रेसिङको आधारमा पीसीआर परीक्षण गरिएका प्रहरीको बुधबार रिपोर्ट पोजेटिभ आएको प्रमुख जिल्ला अधिकारी कृष्णप्रसाद शर्माको भनाई छ । संक्रमित हुनेमा बाग्लुङको बडिगाड गाउँपालिकाका २२ बर्षीय पुरुष, धादिङको गंगाजमुना गाउँपालिकाका ३२ बर्षीय पुरुष र नवलपरासी कावासोती नगरपालिकाका ३२ बर्षीय पुरुष रहेका छन् ।

संक्रमित हुनेमा २ जना सिपाही र १ जना हवल्दार छन् । प्रहरीमै कोरोना संक्रमण देखिएपछि नागरिक त्रसित भएका छन् । हालसम्म लमजुङमा १ सय १६ जनामा कोरोना संक्रमण पुष्टी भएको छ । १ सय ११ जना कोरोना निको घर फर्किएका छन् ।