माछापुछ्रे बैंक लिमिटेडमा कार्यरत कर्मचारीमा कोरोना संक्रमण पुष्टी भएको छ । बैंकको जनकपुरस्थित शाखामा कार्यरत कर्मचारीमा कोरोना संक्रमण पुष्टी भएको हो । कोरोना संक्रमित अहिले आइसोलेसनमा छन् भने बैंकको शाखामा सिल गरिएको छ । बैंकमा कार्यरत अन्य कर्मचारीहरु क्वारेन्टाइनमा छन् ।

स्रोतका अनुसार माछापुछ्रे बैंकमा सुरुमा कोरोना देखिएपछी उक्त बैंक सिल गरिएको थियो भने अन्य बैंकहरु बन्द गरिएका थिएनन् । त्यसपछि ग्राहक अन्य बैंकमा गएपछि कोरोना फैलिएको हुनसक्ने आशंकासमेत गरिएको छ । माछापुछ्रे बैंकपछी एभेरेष्ट बैंक, ग्लोबल आइएमइ बैंक र मुक्तिनाथ बिकास बैंकका कर्मचारीमासमेत कोरोना संक्रमण पुष्टी भएको छ ।

पछिल्लो समय कोरोना संक्रमणको जोखिममा बैंकरहरु बढी पर्न थालेका छन् । दिनानुदिन कुनै न कुनै बैंकका कर्मचारीलाई कोरोना संक्रमण पुष्टी हुँदै आएपछि बैंकरहरुमा त्रास बढेको छ ।