![](https://arthasarokar.com/wp-content/uploads/2020/08/5-23.jpg)
- अर्थ सरोकार सम्बाददाता
ललितपुर । कोरोना संक्रमणको जोखिमका कारण ‘वर्षा र सहकाल’का देवता रातो मच्छिन्द्रनाथको रथाजात्रा हुन नसकेपछि स्थानीयहरु रथारोहण गराइएको ठाउँ मै पुगेर पूजाआजा गरेका छन् । साउन १० गते नागपञ्चमीका दिन दिउँसो सवा १२ बजेको सुभसाइतमा मच्छिन्द्रनाथलाई रथमा बिराजमान गराइएको थियो । रथमा बिराजमान गराएको चार दिन पछि रथजात्रा गर्नुपर्ने भएपनि कोरोना संक्रमणको जोखिमका कारण रथजात्रा रोकिएको थियो । काठमाडौं उपत्यकाको सबैभन्दा लामो रथजात्राका रुपमा रहेको मच्छिन्द्रनाथको रथारोहण वैशाख शुक्ल प्रतिपदाका दिन गरिने प्रचलन रहेको छ ।
तर यस वर्ष कोभिड—१९ का कारण ढिला गरी राथारोहण गराइएपनि रथजात्रा निकालन सकिएको छैन् । लिच्छवीकालदेखि निरन्तर चल्दै आएको जात्रामा रथारोहणको अन्तिम साइत नाग पञ्चमिको दिन परेको थियो । सोही दिन नै मच्छिन्द्रनाथलाई रथमा बिराजमान गराइएको थियो । तरपनि रथजात्रा निकाल्न नसकिएपछि स्थानीयहरु पुल्चोकस्थित रथारोहण गराइएको ठाउँमै पुगेर दैनिक पूजाआजा गर्दै आएका छन् । यसरी पूजाआजा गर्न जाने भक्तालुहरु बढ्दै गएपछि हिजो आज भिडभाड देखिएको छ । कोभिड १९ संक्रमणको जोखिमलाई ध्यान दिएर २० जना भन्दा बढीलाई सहभागि हुन नदिई राथजात्रा गराउने भनिएको थियो । तर मानिसहरुको उल्लेख्य सहभागिता हुने सम्भावना भएपछि रथजात्रा रोकिएको थियो ।
![](https://arthasarokar.com/wp-content/uploads/2020/08/21-2.jpg)
![](https://arthasarokar.com/wp-content/uploads/2020/08/22-2.jpg)
![](https://arthasarokar.com/wp-content/uploads/2020/08/24-2.jpg)
![](https://arthasarokar.com/wp-content/uploads/2020/08/25-2.jpg)
![](https://arthasarokar.com/wp-content/uploads/2020/08/26-2.jpg)
![](https://arthasarokar.com/wp-content/uploads/2020/08/27-2.jpg)
![](https://arthasarokar.com/wp-content/uploads/2020/08/28-2.jpg)
![](https://arthasarokar.com/wp-content/uploads/2020/08/29-2.jpg)
![](https://arthasarokar.com/wp-content/uploads/2020/08/30-3.jpg)