- अर्थ सरोकार सम्बाददाता
काठमाडौँ । साताको कारोबारको दोस्रो दिन सोमबार सेयर बजार बढेको छ । आइतबारको तुलनामा बजार ३७.७४ अंकले बढेर १४३०.४१ बिन्दुमा पुगेको छ ।
नेपाल स्टक एक्सचेन्ज (नेप्से)का अनुसार कुल १ सय ८९ कम्पनीको ४२ लाख ५२ हजार ८०८ कित्ता सेयर खरिद बिक्री हुँदा १ अर्ब ५५ करोड माथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल ६ करोड ९२ लाखमाथिको कारोबार भएको छ । त्यसपछि कारोबार क्रमश : नेपाल लाईफ इन्स्योरेन्स र अजोड इन्स्योरेन्सको भएको छ ।
यता, सोमबारको कारोबारमा म्युचुअल फण्ड उपसुचक घटेको छ भने बाँकी सबै उपसुचक बढेको छ । सबैभन्दा धेरै साधना लघुवित्त र अजोड इन्स्योरेन्सलगायत कम्पनीका लगानीकर्ताले कमाएका छन् भने सबैभन्दा धेरै डिव्यश्वोरी हाइड्रोपावर र युनियन हाइड्रोलगायत कम्पनीका लगानीकर्ताले गुमाएका छन् ।
