• अर्थ सरोकार सम्बाददाता 

मोरङ । प्रदेश १ मा बुधबार १ सय २३ जनामा कोरोना संक्रमण पुष्टी भएको छ । सामाजिक विकास मन्त्रालयका अनुसार १ हजार ९ सय ४१ जनाको पीसीआर परीक्षणमा १ सय २३ जनामा कोरोना संक्रमण पुष्टी भएको हो । 

कोरोना संक्रमण पुष्टी हुनेमा ३३ जना महिला र ९० जना पुरुष रहेका छन् । थपिएका संक्रमित मध्ये मोरङका ६७, सुनसरीका ३७, झापाका १६, पाँचथरका १ र २ जना भारतका रहेको सामाजिक विकास मन्त्रालयले जनाएको छ । 

मेची अञ्चल अस्पताल धाईजन आईसोलेसन केन्द्रबाट झापाका २ जना डिस्चार्ज भएका छन् । प्रदेश १ मा कोरोना संक्रमितको संख्या २ हजार ३ सय ५५ पुगेको छ । अहिलेसम्म कोरोना संक्रमणका कारण मृत्यु हुनेको संख्या १७ पुगेको छ । अहिलेसम्म प्रदेश १ बाट १ हजार १ सय ३५ जना डिस्चार्ज भएका छन् ।