• अर्थ सरोकार सम्बाददाता 

विराटनगर । कोरोना संक्रमणबाट एकै परिवारका दुइ जनाको मृत्यु भएको छ । सुनसरीको धरानस्थित वीपी कोइराला स्वास्थ्य विज्ञान प्रतिष्ठानमा उपचारत ७४ वर्षीया वृद्धा र ६० वर्षिय पुरुषको मृत्यु भएको हो । उनीहरुमा आमा छोरा हुन् । ७४ वर्षीया वृद्धा मृतक ६० वर्षियय पुरुषकी कान्छी आमा हुन् ।

दुवै जनामा एक साता अघिदेखि अत्याधिक रुघाखोकी स्वाशप्रस्वाशमा समस्या र ज्वरो आएकाले शनिवार साँझ प्रतिष्ठानमा भर्ना भएका थिए । प्रतिष्ठानमा भर्ना भएलगत्तै उनीहरुको स्वाब संकलन कोरोना परीक्षण गरिएको थियो । रिपोर्ट पोजेटिभ आएको प्रतिष्ठानका प्रवक्ता डा.निदेश सापकोटाले बताए ।

शनिवार साँझ ८ बजे भर्ना भएकी आमाको आइतवार बिहान ८:३० बजे मृत्यु भएको हो भने शनिवार नै साँझ ८:५९ बजे भर्ना भएका छोराको आइतवार बिहान ७:४५ बजे मृत्यु भएको हो ।