">
- अर्थ सरोकार सम्बाददाता
मुगु । मुगुमा पहिलो पटक पूर्ण रुपमा लकडाउन भएको छ ।महामारीका रुपमा फैलिएको कोरोना रोकथामको लागि भदौ १ गतेदेखि भदौ १५ गते दुई सातासम्मको लागि पूर्ण रुपमा लकडाउन गरिएको हो । प्रमुख जिल्ला अधिकारी कृष्ण कुमार निरौलाका अनुसार सदरमुकाम गमगढी लगायत जिल्लाका चार वटै स्थानीय तहमा जमघट भेला एक स्थानीय तहदेखि अर्को स्थानीय तहमा आवात जावतमा रोक लगाइको छ ।
त्यस्तै हिन्दू नारीहरुको महान चाड हरितालिका तीज नजिकिँदै गर्दा तीजमा भेला नहुनका साथै गोष्ठी, सेमिनार तथा सभा सम्मेलन लगायतका सम्पूर्ण कार्य बन्द गर्न हुन प्रशासनले पत्राचार गरेको छ । यस्ता कार्य गरिएको पाइएमा सरकारको संक्रमण रोग ऐन २०२० र स्थानीय प्रशासन ऐन २०२८ अनुसार कार्वाही गरिने समेत बताइएको छ ।
