">
- अर्थ सरोकार सम्बाददाता
काठमाडौँ । साताको कारोबारको अन्तिम दिन बिहिबार सेयर बजार घटेको छ । बुधबारको तुलनामा बजार ४ अंकले घटेर १४५८.०४ बिन्दुमा पुगेको छ ।
नेपाल स्टक एक्सचेन्ज (नेप्से)का अनुसार कुल १ सय ८८ कम्पनीको ४९ लाख ६७ हजार ४०३ कित्ता सेयर खरिद बिक्री हुँदा १ अर्व ९८ करोड १७ लाखमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल २३ करोड १२ लाखमाथिको कारोबार भएको छ । त्यसपछि कारोबार क्रमश : नेको इन्स्योरेन्स र शिवम सिमेन्टको भएको छ ।
यता, मंगलबारको कारोबारमा निर्जीवन बिमा, म्यनुफक्चार एण्ड प्रोडक्सन र लाइफ इन्स्योरेन्स उपसुचक बढेको छ भने बाँकी सबै उपसुचक घटेको छ । सबैभन्दा धेरै एनआरएन इन्फ्रास्ट्रक्चर र दिव्यश्वोरी हाइड्रोपावरलगायत कम्पनीका लगानीकर्ताले कमाएका छन् भने सबैभन्दा धेरै सामुदायिक लघुवित्त रगुराँस लघुवित्तलगायत कम्पनीका लगानीकर्ताले गुमाएका छन् ।
