![](https://arthasarokar.com/wp-content/uploads/2020/08/1-37.jpg)
- अर्थ सरोकार सम्बाददाता
काठमाडौँ । साताको कारोबारको तेश्रो दिन मंगलबार सेयर बजार बढेको छ । सोमबारको तुलनामा बजार ९.३४ अंकले बढेर १४४०.९४ बिन्दुमा पुगेको छ ।
नेपाल स्टक एक्सचेन्ज (नेप्से)का अनुसार कुल १ सय ८९ कम्पनीको ३९ लाख ४० हजार ६९१ कित्ता सेयर खरिद बिक्री हुँदा १ अर्व ८५ करोड ५१ लाखमाथिको कारोबार भएको छ । जसमा सबैभन्दा बढी कारोबार नेपाल पुनर्बिमा कम्पनीको भएको छ । यस कम्पनीको कुल २८ करोड ७४ लाखमाथिको कारोबार भएको छ । त्यसपछि कारोबार क्रमश : नेको इन्स्योरेन्स र सूर्या लाइफ इन्स्योरेन्सको भएको छ ।
यता, मंगलबारको कारोबारमा व्यापार, म्युनुफक्चार एण्ड प्रोडक्सन र म्युचुअल फण्ड उपसुचक घटेको छ भने बाँकी सबै उपसुचक बढेको छ । सबैभन्दा धेरै नेपाल पुनर्बिमा कम्पनी र आशा लघुवित्तलगायत कम्पनीका लगानीकर्ताले कमाएका छन् भने सबैभन्दा धेरै समृद्धि फाइनान्स र युनियन हाइड्रोपावरलगायत कम्पनीका लगानीकर्ताले गुमाएका छन् ।