• अर्थ सरोकार सम्बाददाता 

काठमाडौं । एनसीसी बैंकको प्रमुख कार्यकारी अधिकृत(सीइओ)मा रमेशराज अर्याल पुन: नियुक्त भएको छ । साेमबार जनै पूर्णिमाकाे दिन बसेको सञ्चालक समितिको बैठकले अर्याललाई अर्काे चार वर्षका लागि सीइओमा पुन: नियुक्त गरेको हो । असाेज १ गते उनकाे पहिलाे कार्यकाल सकिदै।

अर्याल २०७३ असोज १ गते उक्त बैंकको सीइओमा नियुक्त भएका थिए । उनी २०७२ पुस १४ गतेदेखि उक्त बैंकको कामु प्रमुख कार्यकारी अधिकृतका पदमा कार्यरत थिए ।

उनी सोही बैंकमा विगत २४ वर्षदेखि कार्यरत छन् । औपचारिक अध्ययनतर्फ एमबीए गरेका अर्यालले एनसीसी बैंकमा फाइनान्स, आन्तरिक लेखापरिक्षण, मानव संशाधन विभागका साथै लामो अवधि कम्पनी सचिवको जिम्मेवारी समेत समालेका थिए ।