- अर्थ सरोकार सम्बाददाता
काठमाडौँ । नेपाल इन्भेष्ट बैंक लिमिटेडमा कार्यरत एक कर्मचारीमा कोरोना संक्रमण पुष्टी भएको छ । बैंकको बीरगंजस्थित शाखाका एक कर्मचारीलाई कोरोना संक्रमण पुष्टी भएको हो । अहिले उनलाई आइसोलेसनमा राखिएको छ भने उनको स्वास्थ्यस्थिति सामान्य रहेको बुझिएको छ । बैंकका एक उच्च अधिकारीले आफ्ना स्टाफलाई कोरोना संक्रमण भएको पुष्टी गरेका छन् ।
यता ती कर्मचारीको सम्पर्कमा आएका कर्मचारीहरुको पनि कोरोना टेष्ट गरिएको छ । टेष्टको रोपोर्ट भने आउन बाँकी छ ।
यता हरेक दिनजसो कुनै न कुनै बैंकका कर्मचारीलाई कोरोना संक्रमण देखिन थालेपछि बैंकरहरुसमेत चिन्तित हुन थालेका छन् । केहि दिनअघि मात्र मेगा बैंक नेपाल लिमिटेड र नेपाल बंगलादेश बैंक लिमिटेडका कर्मचारीमा कोरोना संक्रमण देखिएको थियो ।
बीरगंजमा कोरोना प्रकोपका कारण अधिकांस बैंक तथा वित्तीय संस्थाका शाखाहरुबाट दिइने सेवाहरु प्रभावित छन् ।
